Notes

Whakamiharo ana tera te tirohanga atu ki a ia, ki te kaieke tohora. I rere atu te wai i a ia, ka hamama tona waha kia taea ai te hau makariri te kupa iho. Ko ana karu e kohara ana i te ahurei. Korekoreko katoa ana te tinana i te rehu taimana. I runga i taua taniwha ano nei he tekoteko paku kua whakairotia, e tino haura ana, e koratarata ana, e tu torotika ana. Ano nei na tona tino kaha, e to ake ana ia i te tohora ki te rangi